..الغابة Sport..

[سيناا]

إيفان راكيتيتش:

“كريستيانو رونالدو كلّمني سنة 2019 وقالّي: تعالى معايا ليوفنتوس.

كنت فعلاً نفسي ألعب في إيطاليا… دي أكتر حاجة ندمان عليها في مسيرتي.

 

[سيناا]

متخيل معايا إن رونالدو بـ تاريخ 10 ديسمبر 2022 كان قاعد على الدكة باصص لـ فرناندو سانتوس و كأن حصله فلاش باك لمدة أجزاء من الثانية هو كان ايه و النهارده وصل لإيه.!!

رونالدو طلع صرح من شهور قال إن الضغط اللي تعرضله من شعب بلده قبل حتى الكارهـ.ـين له خلاه يفكر جدياً في الإعتزال الدولي لحد ما وصل روبيرتو مارتينيز و كلنا عارفين باقي الحكاية.!!

رونالدو بعد ما كان بيٌطالب بالإعتزال و فكر فيه لشهور مسك بعدها فورمة في 2023 أجدع مهاجم فيكي يا أوروبا ميعملهاش و سجل 10 و صنع 2 خلال 9 مباريات دولياً في العام ده.!!

2024 سنة اليورو رونالدو كان بيفوق الإبداع و رغم كونه لاعب داخل على سن الـ 40 إلا إنه كان بيسعى للنفس الأخير و خروجه توقف على تفاصيل بسيطة .. 7 أهداف و 2 أسيست في 12 مباراة للعجوز ده.!!

مش محتاج أقولك إنه في 2025 خلى بلاده ترجع تتذوق طعم البطولات ، و النهارده بيسجل هدفين في شوط بعد تأخر منتخبه في النتيجة و لما اتعادلوا بعد خروجه ملقوش حاسم من بعده يخلص الماتش و تعثروا .. 7 أهداف في 8 مباريات العام ده للشاب الشغوف رونالدو صاحب الـ 40 عام..

 

[سيناا]

عمر مرموش؟ ده لاعب خارق و بيمتلك جودة هتخليه يتأقلم أسرع ما تتخيلوا .. ده كان كلام بيب جوارديولا عن مرموش بعد أول أسبوع بس له في النادي.!!

جوارديولا اللي نادراً ما يمتدح حد طلع قال بعد هدف مرموش في خماسية كريستال بالاس إن من الطبيعي اللاعب يتأقلم بسرعة لكن من الصعب التأقلم السريع في ظل ظروف السيتي الحالية و علشان كدة عمر يستحق التقدير.!!

مرموش في ظلّ ما الناس كانت بتقول عنه إختار المنظومة الغلط لأجل إنه قعد عِدة مباريات متتالية مش عارف يسجل وقتها بيب كان بيمتدحه تاني و بيوصف تحركاته بالمذهلة لتخفيف الضغط عنه..

مرموش في التوقف الدولي الماضي بعد ما كان بيستعد لديربي مانشستر بـ هدف سجله مع منتخبنا المصري للأسف أٌصيب و إتقال وقتها إن إصابته مطولة..

النهارده و بعد شهر و أسبوع من إصابته مرموش عاد التدريبات تاني لمحبوبه بيب جوارديولا مش و هو بينقذه بل و هو بيعيش أجمل فتراته .. إنطلاقة مرموش السنادي هتكون غير تماماً.. 🩵

 

[سيناا]

جيرو بيحكي النهارده إنه كان في طريقه لإعتزال الكورة لكن استوقفه نصيحة من ابراهيموفيتش إن طلما جسمه قادر على الإستمرارية فـ لا محالة منها.!!

جيرو مشى على خطى ابراهيموفيتش صاحب النصيحة و رجع أوروبا من بوابة ليل بعد تجربة شبه فاشـ.ـلة في أمريكا .. خليني أقولك إن جيرو بيٌبدع في الليج 1 في عمر الـ 39 حرفياً.!!

الراجل ده حسم لفريقه فوز حاسم ضد موناكو الدقيقة 92 أو هدف من أهدافه البوشكاشية ضد بريست في التعادل اللي بينهم علشان يحسم لفريقه نقاط لولاها كان زمانهم دلوقتي بعيد في جدول الدوري.!!

و حتى أوروبياً جيرو نزل من الدكة حسملهم الفوز علشان يصبح أكبر لاعب في تاريخ اليوروباليج يسجل هدف بعد نزوله من مقاعد البدلاء و يجعلهم في صدارة المسابقة بالتساوي.!!

جيرو بعد كمّ النجاحات دي أعلن النهارده إن بنسبة كبيرة الموسم ده هيكون أخر موسم له في الكورة علشان يكون ختامها مسك و هو مقدم لفريقه الكتير مش عالة عليهم .. رجل الأهداف الجميلة بيقدملنا الرقصة الأخيرة من مسيرته..

 

[سيناا]

ميسي كـ.ـسر أرقام قياسية لا تٌعد ولا تٌحصى و أخرها إنه أكتر من صنع في تاريخ المنتخبات .. بس فكرة الـ Total بتاع أرقامه التهديفية مٌرعب و مش واخد حقه تماماً.!!

لو أنت محور جيلك و بتساهم في 40 هدف إذا كان تسجيله أو صناعته فأنت هتحتاج تلعب 33 سنة كورة علشان توصل للمساهمة رقم 1284 في مسيرتك و ده طبعاً شيئ مستحيل.!!

لو أنت لاعب تجاوزت نقطة محور جيلك و مبقاش حد ينافسك عالبالوندور بسبب إنك بتساهم في 50 هدف كل سنة فـ أنت هتحتاج تلعب 26 سنة من غير ما تتصاب لأجل إنك توصل لكدة و ده شيئ برضو مستحيل.!!

أجيبلك من الأخر؟؟ ، أنت لو بتساهم في 66 هدف كل سنة في مسيرتك فأنت بعد 19 سنة "قد اللي ميسي لعبهم" ، هتلاقي نفسك واصل 1254 مساهمة في نهاية المطاف..

طب ايه رأيك إن ميسي مش مهاجم و بيترك ركلات الترجيح لزمايله حرفياً و واصل 1284 مساهمة بمعدل 67.5 مساهمة في كل سنة كورة بيخوضها .. و لعلمك أنا مش بكلمك في لاعب مهمته الأهداف بس بل ده أكتر من راوغ في التاريخ و تجاوز الـ 4 ألاف مراوغة .. صدق اللي وصفه بالفضائي لأن مهما ظهرت مواهب محدش بيوصل لـ 10% من موهبته حرفياً..

 

[سيناا]

كريم لن يكون وحيداً في مدريد ، لن أتركه وحده أبداً .. دي كانت وعود بيريز لوالد كريم بنزيما و هو بيحاول يقنعه بإنضمام إبنه لريال مدريد.!!

بيريز وعد فأوفى بوعده ، في ظلّ ما الجماهير كلها كرهـ.ـت بنزيما و حتى زمايله بسبب إهداره للفرص المتواصل في فترة من الفترات .. القرش بيريز كان الداعم الوحيد.!!

لما رونالدو غادر كان في مطالبات بالجملة إن النادي يتعاقد مع نجم صف أول يعوض فراغ رونالدو .. بيريز لما اتسأل في النقطة دي وقتها قالهم ليه؟؟ ما احنا معانا أفضل مهاجم في العالم.!!

بنزيما كان أكتر لاعب محمي من قِبل الرئيس بيريز لأنه ببساطة كان رهانه .. رهان بيريز إنتصر و نجح يعمل أحد أقوى المواسم في تاريخ المهاجمين تماً و لو إن ده جه متأخر شوية بعد 13 سنة.!!

المشهد اللي قدامك ده كان من أجمل المشاهد تاريخياً و هو بنزيما بيقول إن في عز أسوأ مستواياته بيريز كان بيقوله أنت هتاخد البالوندور يوماً ما و بيريز بيستمع لكلامه و بيصوره توثيقاً لـ لحظة تتويج إبنه اللي مخلفهوش .. زي النهارده من 3 سنين بالتمام بنزيما حصل على البالوندور الأكتر إستحقاقية تاريخياً..

 

[سيناا]

جميل جداً اللي مبابي بيقدمه في أرض الملعب .. لكن الأجمل بجد هو رؤية مواقف زي دي منه خارج الملعب.!!

الطفل اللي مبابي شايله قدامك ده هو الموريتاني أبو بكر اللي و هو عمره 6 شهور بس كان بيعاني من مشاكل في الجهاز التنفسي و حالته كانت متأخرة جداً..

ربنا جعل مبابي سبب في شفاء أبو بكر و ده لما مبابي جعل جمعيته الخيرية "IBKM" تتولى مهمة علاجه و تتكفل بكافة المصاريف و وقتها مبابي راحله بنفسه علشان يخفف عن والده.!!

النهارده الحمدلله الولد اللي قدامك ده أتم 21 شهر و حالته وصلت للتعافي التام و مبابي إستغل أجازته و راحله تاني لكن علشان يبسط الولد نفسه قبل والده بسبب كل الصعوبات اللي مرّ بيها.!!

النهارده مبابي نشر صورته من تاني مع الطفل و كتب عليها "من دواعي سروري أن أرى صغيري مرة أخرى أبو بكر" .. علشان ناس كتير تعرف القصة و تروح تهنئ أبوه عبر حساباته في السوشيال ميديا .. النقاء لو تجسد في شخص هيكون إسمه كيليان مبابي..

 

[سيناا]

تفتكر الإنسان ممكن يعوز ايه و هو بيلعب في دوري بسيط بيتقاضى أعلى أجر لمدافع في العالم و بيلعب مع رونالدو اللي بيعتّني بيه كالأصحاب و هداف مدافعين روشن.!!

أهو ده حلم أي لاعب في العالم إلا لابورت اللي لقى نفسه فجأة مبيروحش المنتخب بعد ما كان بطل مٌتوج باليورو معاهم .. لابورت حاول بكل الطرق الممكنة ينتقل لـ اتليتك بلباو.!!

حتى و بعد ما ناديه وافق يبيعه لقى إن المستندات اتأخرت و فضل مستني مصيره قرابة الأسبوع و لجل حظه الفيفا وافقت على الإنتقال ده و حقق حلم بسيط و لكنه غالي عنده بالعودة لنادي الطفولة..

متخيل معايا إن لابورت من يوم ما راح ناديه و النتايج مٌخيبة جداً للأمال ، 3 خساير و تعادل و 0 كلين شيت بالرغم من كدة جاله إستدعاء دولي لأول مرة من 11 شهر و السبب وراء كدة كانت جودته اللي بدأ يستعيد بيها أوّج عطائاته.!!

الغريب مكانش مشاركة لابورت مع منتخبه الأسباني بالرقم 10 ، الأغرب بجد هو الأداء اللي قدمه كونه أكتر من مرر في المباراة "128" مرة و دقة تمريراته الصحيحة وصلت 99%!! ، الذهب الباسكي لا يصدأ أبداً يا لابورت..

 

[سيناا]

في ظل ما رونالدينيو كان في عز مجده و ميسي لسة مظهرش الإعلام بدأ يقارن بين ذروة رونالدينيو و ظهور رونالدو القوي .. إستمر رونالدو و إتجه رونالدينيو للسهر.!!

مستوى المقارنة إتغير و بدأوا يقارنوه مع نجوم زيه في البريمرليج و أبرزهم فيرناندو توريس .. أداء توريس بهت و إستمر رونالدو.!!

مرحلته في مدريد الأولى نافس ابراهيموفيتش و إنتهى بيه المطاف بالمغادرة لعدم قناعة بيب بيه حينها .. نافس روبين و ريبري على مدار سنوات و حرم جيلهم من أكتر من شامبيونزليج و كمان بالوندور.!!

نافس جيل ميسي و سواريز و نيمار لأخر الأنفاس و يوم ما غادر ريال مدريد مكانش عبئ على ناديه بل كان مٌتوج بـ شامبيونزليج و هو هدافها بـ 15 هدف.!!

لو مفكر الحكاية خلصت تبقى غلطان ، النهارده رونالدو بينافس مبابي و هالاند الجيل اللي أخدوه قدوة في طفولتهم و بيوصل لهدفه رقم 10 في الموسم الحالي .. أسوأ مواسم رونالدو هي حلم للبعض ده مش حلم ، ده واقع بنعيشه معاه..

 

[سيناا]

من كام سنة كان في شراكة جميلة جداً بين رونالدو و مارسيلو و كانت حديث العالم لدرجة إن عدد الأهداف المشتركة بينهم سوياً وصلت لـ 33 هدف..

في نفس الوقت اللي الشراكة دي كانت بتبدع كان في ولد بيلعب مع نادي طفولة رونالدو و قال في عِدة لقاءات إن قدوته في مركزه هو مارسيلو و إنه بيحاول يقلد أسلوبه كظهير دايماً .. الولد ده هو نونو مينديز.!!

النهارده نونو مينديز مش بس أفضل ظهير في العالم ، بل ربنا شاء إنه يكون برتغالي و كمان يلعب مع أسطورة وطنه رونالدو في أخر أيامه بعد ما كان بيتابعه في التلفزيون زيه زي أي برتغالي مٌحب للدون.!!

نونو مينديز صنع لرونالدو هدفه رقم 900 و هدفه رقم 901 و مكتفاش بـ ده بل كان عامل كبير في التتويج بكأس الأمم الأوروبية بعد ما صنعله في نصف النهائي و النهائي.!!

و النهارده نونو مينديز بيصنع لرونالدو الهدف اللي أصبح بيه الهداف التاريخي لتصفيات كأس العالم علشان يثبت إن مقولة "‏مـ.ـات في القرية ساحـ.ـر فاستراحوا من أذ.اه خلّف السـ.ـاحر جنّيًا فاق في السـ.ـحر اباه" مش مجرد مثل من وحي الخيال بل وارد يتحقق في الملاعب..

 

[سيناا]

"لايوجد لاعب أخـ.ـطر من كريستيانو رونالدو، الا كريستيانو رونالدو الذي لم يسجل في المباراة السابقة" .. ده كان كلام كارلو أنشيلوتي عن رونالدو في 2014 و مازال رونالدو بيثبت ده.!!

رونالدو من 3 أيام بس كان بيهدر ركلة جزاء لكنه كان مبسوط بعد المباراة بسبب دعم زمايله له .. أحد الداعمين دول كان روبين نيفيز اللي قال كريستيانو مش مٌطالب يثبت شيئ يكفي بس إن كلنا عارفين هو هيعمل ايه المباراة الجاية.!!

رونالدو مخـ.ـذلش زميله ، بل مخـ.ـذلش شعب كامل و ده لما منتخبه اتأخر في النتيجة قام مسجل هدفين و خرج من الملعب و هو مكسّب فريقه و كذلك الهداف التاريخي لتصفيات كأس العالم..

مفيش فرق نص ساعة بين إحتفال رونالدو بالشغف ده و بين نظرات القهـ.ـر دي في عينه لما المجر اتعادلت أخر دقيقة و حسم التأهل للمونديال اتأجل لـ نوفمبر ، متخيل مدى شغفه.!!

الناس بتتسائل امتا رونالدو هيعتزل لكن محدش اتسائل هل البرتغال جاهزة لإعتزال رونالدو؟؟ ، الإجابة رقمياً لأ كونه هدافهم في التصفيات بـ 5 أهداف و تاني حد بعده مسجل هدفين ، 22 سنة بيمثلهم لكن الدور واحد و هو إنه رجلهم الأول..

 

[سيناا]

رونالدو عشان يعادل بطولات ميسي

محتاج واحد كاس عالم
وثلاثه كرات ذهبيه
وثنين دوري الفرنسي
وتنين الحذا الذهبي

ميسي عشان يعادل بطولات رونالدو

محتاج ثلاثه دوري إنجليزي
واحد دوري أبطال أوروبا
واحد جائزة بوشكاش
وثنين كاس إنجلترا
وثنين أسوبر الإنجليزي
واحد افضل لاعب في أوروبا
وثنين سوبر إنجليزي
وثنين أدوري إيطالي
وثنين كأس إيطالي
واحد كاس عالم للانديه
وسته جلوب سوكر
واحد جائزة الهداف التاريخي لدوري ألابطال
واوحد درع العشره مليون متابع في يوتيوب

لذالك لا تقارن لاعبك المفضل بلجود ولافضل في اتاريخ
فيفا رونالدو للأبد للابد

 

[سيناا]

‏28 منتخبًا تأهلوا رسميًا إلى كأس العالم 2026 حتى الآن

 

[سيناا]

لدى تشيلسي ميزانية بقيمة 300 مليون جنيه استرليني لإنفاقها في يناير، لكن النادي سعيد حاليًا بفريقه ولن يتعاقد إلا مع لاعب قادر على الانتقال بالنادي إلى المستوى التالي

 

[سيناا]

كريستيانو رونالدو.. أرقام لا تتكرر

النجم البرتغالي وصل إلى 142 هدفًا دوليًا بقميص المنتخب، بعدما سجل 90 هدفًا منذ بلوغه سن الثلاثين!

قبل سن الـ30:
لعب: 118 مباراة
⚽️ سجل: 52 هدفًا

بعد سن الـ30:
لعب: 107 مباريات
⚽️ سجل: 90 هدفًا

الأسطورة لا يشيخ.. بل يُعيد تعريف الاستمرارية

 

[سيناا]

جيل اليوم ربما لا يدرك كم كانت هذه المواجهة تصنع تاريخ الدوري الإنجليزي.

آرسين فينغر
الانتصارات: 572
التعادلات: 235
الهزائم: 191
الأهداف: 1845
استقبل: 961
نسبة الفوز: ‎57.3%‎
17 لقباً

السير أليكس فيرغسون
الانتصارات: 563
التعادلات: 248
الهزائم: 188
الأهداف: 1782
استقبل: 943
نسبة الفوز: ‎56.3%‎
38 لقباً

بين موسمي 1992/93 و2003/04، احتكرا لقب الدوري الإنجليزي 11 مرة من أصل 12 موسماً، وكأس الاتحاد الإنجليزي 7 مرات من أصل 12.

حقبة خالدة صنعت أعظم صراع كروي في تاريخ البريميرليغ.

 

[سيناا]

كيليان مبابي هو أسرع لاعب من ريال مدريد يسجل 40 هدفاً في الدوري الإسباني منذ كريستيانو رونالدو

 

[سيناا]

برشلونة ويوفنتوس يخططان لضمه مجانًا بعد نهاية عقده مع مانشستر سيتي

في المقابل، تستعد أندية الأهلي والقادسية والنصر لتقديم عروض ضخمة من أجل إقناعه بالانتقال إلى الدوري السعودي

عقده الحالي ينتهي في 2026، لكنه من غير المرجح أن يُجدّد… العلاقة مع السيتي وصلت إلى نهايتها.

 

[سيناا]

هاري كين يحسم مستقبله!

قائد منتخب إنجلترا استبعد تمامًا فكرة العودة إلى الدوري الإنجليزي الصيف المقبل.

كين أكد أنه مستعد لتجديد عقده مع بايرن ميونخ لأنه "مؤمن تمامًا بمواصلة مشواره في ألمانيا"

 

[سيناا]

إيفرتون يضع حدًا لسلسلة كريستال بالاس المميزة بدون هزيمة والتي استمرت 19 مباراة!