انفاس في سطور

[عابر السبيل]

لا يارصيف الياس جوك المجاريح
كم موقفن عندك صعيبن بحسمه؟

انشدك عن حي ن ذبحني ب تلميح
حي ن تعرفه بس ماقلت لاسمه

اللي معاليق الحشا له مجاويح
اللي حفر وسط المضاليع رسمه

عابر السبيل

 

[عابر السبيل]

لا يا يباب البيد يا ملعب الريح
شعوف الهواء تاخذ مع البيد مشوار

واغصان قلبي تقترب ثم (ن) اتشيح
في وسط جوفي جاء لها اقبال وادبار

عابر السبيل

 

[عابر السبيل]

صدوا وصدينا وكل على فال
يالله عسى طيب المقابيل فالك

وانا على شطات الايام حمّال
وعطني فناجيل الغثا من دلالك

وان قيل عمّال ن على الدرب بطّال
ماترضي المخلوق من حر مالك

ياكم عدلن ساطي الوقت به مال
ولا بد يحكيي به غريبن حكى لك

واليوم ياترف الحشا نايف الجال
احفر لي ألحاد ن على حد جالك

عابر السبيل

 

[عابر السبيل]

يا مظلم القذله لى بسمة الصبح
خليت للسهره مع الجيد قيمة

تصبح مخاسيري معا شوفتك ربح
لو المدامع من حسايرك ديمة

عابر السبيل

 

[عابر السبيل]

تيه ن مماشيها شموخ التمشييى
اهنف هنوفن لابسه حالي الزين

مشي السحابه بس مافيه رشّي
اظرف خفيف وما اثقله بالموازين

تشوفها عيني وقلبي يهشّي
وان التفت لجّت حنايا الضلاعين

عابر السبيل

 

[عابر السبيل]

يسعد مسا اللي له هروجن ثمينات
تحشم حروفن له ولو كان غايب

يعطيني الابيات واقول له هات
بيوته توالد جوف قلبي عجايب

اصفها بالدرب وتضوي بشمعات
شمعات في دربن مشوا به حبايب

عابر السبيل

 

[عابر السبيل]

دموع الزهر عطرن على وقت الاصباح
ونسم الصبا يهدي الندى فوق خدك

الله يا عطرن مع الصبح فوّاح
تسحر بجزر وياخذ القلب مدك

ومن زود زينك تاكل الجو بارياح
ومن هو يوقف في الطريق ويردك ؟؟؟؟

عابر السبيل

 

[عابر السبيل]

غديت انا واياه شرقي وغربي
فيها القمر يلهث ورا مطلع الشمس

منها اختلط سلمي معا نار حربي
وعشر الهقواي يارفيقي غدت خمس

اليا التقوا يصبح كسوفن بدربي
تلقى كسوف الشمس والبدر له همس

ويسكت حمام ن فوق الاغصان طربي
وتلامس الاشجان للاحساسها لمس

ياطير ياللي طايرن خلف سربي
وش هو جرى للشمس والبدر في امس

عابر السبيل

 

[عابر السبيل]

يامنير قل للي طرف عينها ريش
باقي قليل ويلفح الجنح عينه

وش لك بحب ن في المظامي معاطيش
بحال ن كلا شينه من الحر زينه

او مثل من حطو بكفه كلابيش
متفرش ن ظلم ن ولحفه غبينه

او مثل من دوّر على لقمة العيش
على عتب باب ن وهم طاردينه

عابر السبيل

 

[عابر السبيل]

ياحلو قهويني من الصبر فنجال
ماعاد في دلال الشقا كود صبري

وانا على الميزان قيراط مثقال
ولا يازن الميزان ياكود حبري

ياصاحبي شفني كما كنز الامثال
راحت بي ايامك وانا كنت مادري

عابر السبيل

 

[عابر السبيل]

لون الكرز شف ن تطابق على شف
من بينها قلبن يرشه بالالوان

يموت وقت الصد والشف ماجف
شفّين فيها للمواليف عنوان

من فوقها ومن تحتها الورد ينلف
يا شفتينن وردها صار تيجان

ياقلب ياللي كنك الدف بالكف
ويجاوبك قلبن رجف مثل طيران

عابر السبيل

 

[عابر السبيل]

العقل يعقل بك مره ويهذريك
ثقيل عقلي صار عقبك خفايف

ياساحر الكلمة كلامك يغنيك
ويا حظ حرفن من الذيذ الشفايف

عابر السبيل

 

[عابر السبيل]

المركب اللي سار يبغي المواني
يرميه موجن م البلاوي على موج

يغط مع موجن من بعد باني
كن الكفن ياموج م المي منسوج

ماقدّر المولى على الخلق كاني
وياكم عسرن بين الايام مفروج

مذكور بالخيرات حي ن زواني
وعينن بها سحرن من الرمش واغنوج

اللي كتبني بالهوى ثم طواني
عدل الليالي عقبها شكلها عوج

عابر السبيل

 

[عابر السبيل]

ادركت هاك اليوم ماعاد اشوفك
ياتالي النظرات يالله عسى خير

بالود ودي كان اللامس كفوفك
واعطيك من قلبي كافخن كنه الطير

كم اختفى طيب السلام معروفك
وايست انا ياحلو بعض المسايير

الله يا شف ن كن العسل من رشوفك
وارياح ريقن تعطي الريح تعطير

راح العمر مابين امنك وخوفك
وانا كتاب الحب واسطر تساطير

ياليت ما بالجوف يسكن بجوفك
والقى حروفن ترسم الحس تعبير


عابر السبيل

 

[عابر السبيل]

ياغاية ن حفي القدم في مماشيك
تشبه سرابن يشربنّه طيوره

العالم الله غربتي في مواطيك
وقتن علينا يالحلا زاد جوره

انشدك انا لا من مشى الدرب حافيك
يتبع له اشواقن بجوفه تزوره

من شربك لشربك بدرب الشرابيك
وقلبه من اللوعات شلّع لزوره

هو انت بالهقوة لمن هو هقا بيك
والا انت لك طورن يخالف ل طوره؟؟؟؟؟؟؟؟

غديت مثل الليل شرك لساريك
جاورت في دربه حيايا حفوره

يامستحيلن ممكنن وسط اشافيك
شوفه يولّد في المكايين ثوره

عابر السبيل

 

[عابر السبيل]

قال الذي لا من بغى البيت جابه
يغرف محيط القاف يا سبعة بحور

حتى بوسع البيد تلقى سرابه
وتلقى له ابيوتن معا شقة النور

سيف الشعر مغمد بداخل جراب
وان كان سليته تناثر له اسطور

انا عنا القيفان واغرق شعابه
تلقى مع الشعار لي بالفخر دور

واليا وصفت اللي جميلن جنابه
لو كان قرد ن صار من جملة الحور


عابر السبيل

 

[عابر السبيل]

مهبول من يطرد مواضيه يا منير
مافات مات ولا يرده تمني

دنيا تدور بنا كما دورة السير
تبكي لنا يومن ويومن تغنّي

تحير ف الدنيا عيون المسابير
مارتاح فيها انس ن ولا ارتاح جني

اليا ذكرت ارموس عصري تذاكير
اهمل دموعن من النواظر همنّي

عابر السبيل

 

[عابر السبيل]

يارابعات الهجس واشيب عيني
من وين لي نومن ليا من حضرتي ؟؟؟؟

حل السهر يسراي وانتي يميني
بصبّي عيني ياهجوسي سكنتي

واشوف نومي حالقن مايجيني
يهحل لذيذ النوم لا من سمنتي

عابر السبيل

 

[عابر السبيل]

تقول شايب هاك عكاز عودي
وغني على شاني لعابر قصيده

وصيري سحابن ثار لاجله رعودي
وردي لي ايامن بعمري جديدة

ياساحر النجلاء وعينيك سودي
لا يا مهاة ن في الفيافي فريده

جودي على اليوم بالوصل جودي
ثم بدلي تعس الليالي سعيدة

يازارع الباقات حول الخدودي
نفسي سبب فرقاك صارت شريده

حليتني عبد ن لمطال وعودي
اشطب لك الميعاد وارجع واعيده

لا يابعد من راح م اغلى جدودي
تنهار بك رجوى واعوّد واشيده

ينباح لك خافي دفين السدودي
ليا لج طير الرند لحن اتغريده


عابر السبيل

 

[عابر السبيل]

عسى العوض في مقبلات الليالي
والا الذي قد راح ماعاد ينعاد

ياللي تفنن رسم زولك خيالي
ياجامعن في حلو زولك لك اضداد

فرقاك مادارت بيومن ببالي
يقطعك يا دربن جلس فيه حسّاد

كم يخسر الخافق من الناس غالي
وكم عقب نوم الليل سهرن مع اسهاد


عابر السبيل