انفاس في سطور

[عابر السبيل]

ياملاعب الاوتار يا دقيّق العود
يامجنن الالحان يا ساحر النوت

كني معك في تالي الوقت مقرود
يصارع حياة ن لا حياة ن ولا موت

حطيتني مثل الذي يركب النود
وتجري به الارياح مايدرك الصوت

الله ياخد ن به الزهر وورود
ذبحتني مابين الالحاظ واسكوت

كن الحبل بالجوف ياحلو مشدود
والوصل كنه بيننا صار مبتوت

بيني وبينك وافي الوعد واعهود
وقلبن على الاضلاع ياحلو مفتوت

عابر السبيل

 

[عابر السبيل]

يا مبدد الظلما على صبح الارداف
توّي عرفت الليل ينبع من النور

النور والظلما معك مثل ميلاف
كل الحلا بك يا انجل العين له دور

عابر السبيل

 

[عابر السبيل]

يامل قلبن غيره فعل الايام
في كل يومن من ضنا الوقت مفجوع

عيني على طيرن مع الصبح حوّام
لاهمته فرقا ولا همه اللوع

بغيت انا اكتب بس ماحولي اقلام
كن القلم يشكي الظما واقشر الجوع

في كل صبحن تشعف القلب بانسام
وانا اتسول لك من الشعر موضوع

ياصاحبي شح الوصل لو بالاحلام
كن الوصل بالحلم ياحلو ممنوع

عابر السبيل

 

[عابر السبيل]

كم امتلاء لك دفتري م الاماني
عندي دواويين الدهر امنيات

شتتني ما بين لحن واغاني
والعمر كله ياغلايه اغنيات

مرت سنيني فيك مثل الثواني
وصارت سنين هالثواني وحيات

يابارد هاجسه قد كواني
لانين حي بك ولا من ممات

عابر السبيل

 

[عابر السبيل]

سلام ياشعر ن مع الريح مطواع
تلعب به الارياح من كل ملفاح

اليا مشى خصره مع المشي ينماع
تموت وتحيا في مماشيه الارواح

يشبه سرابن في الصحاصيح لمّاع
كم ظامي ن يهلك مع البيد مشفاح

عابر السبيل

 

[عابر السبيل]

خطيب غصنن يسحر الورد صوته
حط الغصن منبر لحلو القصايد

يامعلّم الالحان في سطر نوته
ترقص على لحنك هديب الجرايد

ياللي لبس م الريش فروه وكوته
ومحرّمن نومه وحلو الوسايد

كنّه يوصّي الطير من قبل موته
من فوق غصنن مع هواء الصبح نايد

عابر السبيل

 

[عابر السبيل]

اكتبك ثم امحاك وارجع واعيده
كل ما اجتمع عندي الورق رحت اناجيك

الشوق فيني والهواجس تزيده
وعينن تمنّت من زمانن تلاقيك

قديمة الاشواق ترجع جديدة
رصيد حب ن من ليالن تطرّيك

مسير وعد الوقت يصبح وعيده
ولا عاد تلقى واحدن حيل يغليك

عابر السبيل

 

[عابر السبيل]

مسيك بالخيرات بيت شعفني
تغلي الديار الل هويت ه لاهلها

اشبه لحرفن والدهر قد شطبني
واصبحت انا ياصاح مضرب مثلها

اللي مسحني يومه اول كتبني
وراعي سواليفن كنه جهلها

انشدك عن وعدن بلهفن فتني
وش قالت الايام ووش هو عملها

راحت عصافيرن ببيتك تغنّي
واقفر غصونن كان سحرن ميلها

قربني حروف ن ثم ابعدتني
ياشين شف لي من حروفك بدلها

عابر السبيل

 

[عابر السبيل]

قالت من انت وقلت انا تايه البيد
ضايع فوادن مثل حرفن كتبته

قالت ترى قبل امس ياصاحبي عيد
وثوبك جديدن مير ماقط لبسته

قلت اسمع العالم تعايد تراديد
شكله تعدى العيد ولا لحظته

ياكم عيدن عيّدوه السعاعيد
من دون شوفك مرني ما نشدته

غديت انا واياك عبدن معه سيد
اغلاك يومن وانت بالرخص بعته

مسيرها تصبح على القرب تبعيد
واصير انا لك مثل حرفن كتبته

عابر السبيل

 

[عابر السبيل]

ابديت من ليلك صباح ن له اشراق
عجيب ياليلن جثى الصبح دونه

افداك يا كف ن كما طرق الاوراق
صافي غضيضن يسحر القلب لونه

خليتني ياصاحب الشوق شوّاق
عرفت منك الشوق واقسى فنونه

حسايفن عقب المواصيل ب افراق
والعاشق اللي هرجته في عيونه

عابر السبيل

 

[عابر السبيل]

ياسدرة الوادي على الله مشاكيك
يهيضني حرفن بجذعك كتبته

من عاد عقبه بالتسلي يحاكيك ؟
الله يا زولن بجنبك رسمته

اضحكك ياغصن الغلا مر وابكيك
مابين حاضرنا وماضيك شتّه

ارجي عسى الله م المروايح يسقيك
ويرد لي حرفن اليا من نشدته

عابر السبيل

 

[عابر السبيل]

ياطول هاك الليل وما اكثر ظلامه
ضاعت خطاوي الليل في بحر ظلماه

بسمة شموعك في الغداري سلامه
يكتب بصيص النور في وجهك اسماه

امنولن في كوّتك لي حمامه
وعينن تشوف وحالك الظلمة اعماه

باقي من اثار الليالي علامه
ويجي الظلام بتالي الليل يمحاه

عابر السبيل

 

[عابر السبيل]

الله يا عطرن ملا الصفح واظروف
يشيل من ليلي طروق الرتابه

افداك يا شعرن على الكتف منسوف
اجيه ظامي وارتشف من سرابه

من عاد يروى ظامي القلب مصروف ؟
الشاعر اللي من سرابك شرابه

عابر السبيل

 

[عابر السبيل]

ياصاحب الوردة من ورود خدك
لجّت شوارع حينا من شذى الريح

باعتاب بابي حطها الطير بعدك
وانا خزنت الورد بين الجوانيح

اغلى ورود الكون م الورد وردك
يامهدي الفرحة بثوب التباريح

عابر السبيل

 

[عابر السبيل]

عيدك مبارك ثم عيدك مبارك
لو انني من غير شوفك تعيدت

ابعد زمان الشح عني مزارك
وانا نها ر العيد عنك تنشدت

يمكن يلاقي الشف يومن مزارك
ياللي على كل المعالق تسيدت

عابر السبيل

 

[عابر السبيل]

ياناوي المرواح بالله بيتين
خذها على دربك لخلي وداعه

ياكاسب الطولات عندك شتيتين
والكل منهم نازح البعد لاعه

العالم الله عيشتي بين مع بين
م البعد شبعانن ووصلي مجاعه


عابر السبيل

 

[عابر السبيل]

تسمع خطاوي ماشي ن جاك حافي
والليل يا كل الغلا ضاع ماشيه

ماقل دل وواضح الهرج كافي
وهدية ن لك شالها بين رمشيه

مسير ماضي الوقت حظ السوافي
ومكتوب حب ن شالني في حواشيه

عابر السبيل

 

[عابر السبيل]

احد ن يحاكي بالليالي وساده
واحد ن ينوم ومالي النوم جفنيه

عمر ن يقسّم بالسعد والنكاده
وين السعد ياصافي الخد عطنيه

عابر السبيل

 

[عابر السبيل]

إقدم وولّع بالقوافي لك انوار
شب القصايد وآتدفّا على القاف

ياباقة الابيات يا قطف شعّار
فيها شواريد المثل جات ميلاف

مابين مليّم ن ودرهم ودينار
تشري غليظ البيت ويصير شفّاف

صارت كما البوكية من مجمع ازهار
ودارت قوافي الشعر من حولها اطياف

عابر السبيل

 

[عابر السبيل]

توّي عرفت انك تنفس مع الناي
ياشادي الانفاس لك طولة العمر

انفاس عذب اقبال مع حلو الاقفاي
كنك سقيت الطير من صوتك الخمر

ياحالي الاوصاف يا زهرة الشاي
لا انته من البيضان ولا انته من السمر

يادقيّق الاخصار مزّعته احشاي
ياطوق مسباحن وسيعن على ظمر

ياجامع اقصاي مع داني ادناي
فرشته الليله لقلبي من الجمر

عابر السبيل