انفاس في سطور

[عابر السبيل]

يتبعك يانجم الحلا جملة اعيون
واشقى عيون الليل ياحلو عيني

لك عين شاعر بالغوى صار مفتون
يبين بالصدات مر ويبيني

اتلى الخبر به م الشغف يتبع النون
بيّح لها بالود خافي الكنيني

ياكم بيتن فاخر الطرق موزون
حطه على الاسطار عبد ن رهيني

كله لعينك يافخر كل مزيون
في ساعة ن دندن لها بك دنيني


عابر السبيل

 

[عابر السبيل]

عابر سبيل وظل الاشجار قد شح
حافي القدم ممشاه دايم على الشوك

سلام لك مادام الارياح تلفح
والا سلامن مع حمام ن تعدّوك


اقول ياللي كنّك البدر الاشقح
نجوم الفضا م السحر يابدر داروك

ياشبه غصنن م المثامير يرجح
قام يتهزّع كلما النود هزوك

عابر السبيل

 

[عابر السبيل]

كم ذا سألني واله القلب وينك
ودي اجاوب بس مامن اجابه

مرت سنينن ماتحليت عينك
وقلب يذوب من البلاوي صبابه

وين انت مني يا هدية سنينك
وين انت م اللي دمع عينه شرابه؟؟

عابر السبيل

 

[عابر السبيل]

عز الله اكدر عقبكم صفو جوّي
ودمي على الاسطار لاجلك دواوين

اشرب فناجيل العنا عند ضوّي
واصلى على شانك من النار ضوّين

ياكثر ليتي والعسى وانت لوّي
وتمشي بي الايام مادري على وين

عابر السبيل

 

[عابر السبيل]

الله حسيب اللي تعدى مع السوق
يمر من جنبي سواة السحابه

ياصاحبي والله يذبحني الشوق
وتضفي على وجهي رسوم الكآبه

مايجتمع ياحلو بارد ومحروق
وجيه الفرح والحزن مابه تشابه

لك صاحبن كنه من الحزن مسروق
والقلب كنه في نياب الذيابه

لا ياشبيه الشمس في ساعة اشروق
اضفيت في طبعي عجيب الغرابه

عابر السبيل

 

[عابر السبيل]

يافاتق ن جرحن تزاعج به الدم
ينقط على سطر القصيدة وريدي

طغى على حبرن من الدم عندم
يقطعك يا ذهنن بسطري شريدي

ياناقط الجرحين ياوافر الجم
ودي توقف بس ماصار بيدي

اشوف انا حزني وفرحي تصادم
من بينهن بيتن على السطر شيدي

عابر السبيل

 

[عابر السبيل]

لا يا مسا الخيرات يا بهجة الليل
خيرن مساكي يالعيون الكسوله

كم آتمتع بالشعر والتماثيل
واخذ مع الاوصاف بالشعر جوله

يازين عطرن تحتضنه المناديل
منديل كفك صار م العطر توله

يابو رموشن فوق خدك مظاليل
رمشن جليد الموت وسطه وحوله

عابر السبيل

 

[عابر السبيل]

احلى فساتينك اديم ن بجلدك
سبحان من فصّل من الجلد فستان

زهر الحلا ينبت على غصن رندك
بينك وبين الغير ياحلو شتان

عابر السبيل

 

[عابر السبيل]

لا وين رايح بالمسا يا اشقر الطير
هو ذا طرب والا بزايد تعنّي؟؟

امسيت في خير ن وانا امسيت في غير
وابهام كفي يشتكي عض سني

ياليت لي جنحن ويغني عن السير
وافلخ بكبد الجو واتبع مضني

عابر السبيل

 

[عابر السبيل]

كن اللهب باطراف ليل الجدايل
ذوب الذهب لا بان في مطلع الشمس

ورمش ن على حلو ن من الخد مايل
لا طايله شوفن ولا طايله لمس

ذبحت ياحلو اللما لي وسايل
وعمستني ياحلو عمسن على عمس

عابر السبيل

 

[عابر السبيل]

اليوم انا فاتح من الحزن دكان
وابيع م احزاني على الناس بالكوم

يا شاري الدمعات باهديك ودّان
ويا باغي التهمام عندي لك اهموم

وعندي على رف الشقا كوم الاشجان
وعندي لك من الضيم ماحس مضيوم

عابر السبيل

 

[عابر السبيل]

عيني على طيفن على كف غيمة
يخلط بياض الثلج مع حمرة الورد

اللي بنى في خافق القلب خيمة
برده لنا نارن وناره لنا برد

اللي جعل م الصد في الحب شيمة
صده بغصن الروح يجرد لها جرد

عابر السبيل

 

[عابر السبيل]

ليت الحروف بشوفته ساعفتني
وركبّت انا له من التلاهيف كلمه

لهفات قلبي عندها ضيعتني
ثم تهت انا مابين حربه وسلمه

عابر السبيل

 

[عابر السبيل]

بهّرت انا لك م المعاميل دلّه
ياوي دلّة ماحلا وصفها دلال

تطبخ على جمر الهواجس بمله
ماها من دموع المحاجير زلاّل

وبهارها شوقن بقلبي يعلّه
إقرب تفضل خذ لك اليوم فنجال

عابر السبيل

 

[عابر السبيل]

ياحي هاك العين يا فهيد حيّاه
وبسمة خجل ومن الحيا تاخذ الروح

ياليت عمري يا رفيقي بلاماه
واخلط لها نوح على الحاني البوح

احتار انا مابين ليمه ولمياه
وهو كما لغزن ولا هوب مشروح

عابر السبيل

 

[عابر السبيل]

باقي بقايا العطر بآخر رساله
يشبه لذكرى ن دقت ابواب قلبي

م الصاحب اللي شد قلبي وشاله
ولهيت عن قلبي ادوّر ل طبّي

مامع حبيبك يالغلا الا ظلاله
ونار ن على الاضلاع دايم تشبي

ارتاع لا هبت صليفن شماله
وان جاء هواكم قلت ياريح هبّي

أغليك ما اغلى صاحب المال ماله
وكم قلت ياعين الشقا اليوم صبي

عابر السبيل

 

[عابر السبيل]

يحقد عليك اللي لفظ لك (احبك)
دقق على الكلمة وتعرف حبيبك

بعض السقم ما ينفعه طب طبك
لا صار سقم الحال جابه طبيبك

معقول من حبك بمره يسبك؟
يقطعك يا دنيا (ن) كثيرن غريبك

عابر السبيل

 

[عابر السبيل]

ياشريد الدرب قل من هلك ؟؟؟؟
تمشي وكنك ماكلن طول السنين

وش هو بزادن مشربك مع ماكلك
ناوي المرواح ياغنا قلبي ل وين؟؟؟

ياضعيفن وسط دربه وش سلك؟
مالقى في الدرب صاحبن له يعين

ياكم حي ن في طريقك قد هلك
تسمع لماضي الوقت من اجله ونين

يايمن الدرب اهذبك انا ام اشملك
امعنك مشي ن ام على الدرب استكين؟

كن الجفا بالدرب ياصاحي ملك
ماشين يسراك مرّات ويمين

ياطاوي الاقفار ودي اسألك ؟
يرحم ابوك وكل من هم حاضرين

لا لفى ليلن بظلماته حلك .
وش يجي بالقلب من وهج الحنين؟؟

عابر السبيل

 

[عابر السبيل]

يقطفك يا ورد الغلا معجبن فيك
من زود حبك يذبحك واحد اغلاك

وتصير تحفة في جمال الشبابيك
ويغليك ياورد الحلا كل شبّاك

والعالم الله خافقي حيل غاويك
معذور يا قلبن غلا ورده اغواك

تشبه لقافن يسحرني قوافيك
ياكم اجوعك ياحلا الورد واظماك

عابر السبيل

 

[عابر السبيل]

غنيتني يالحن الاحزان مسحوب
ثم شالني صدك عليها هجيني

او هو بكاني ساعة غيابه غروب
واحيا شديد الشوق صبحن يبيني

او كلهن مع بعضهن حاصل ضروب
مضروبة (ن) اضعافها في سنيني
عابر السبيل