انفاس في سطور

[عابر السبيل]

يرحم هواك الله يا زاير الليل
ورثتني شوقن يشقق ضلوعي

صبرت الين الصبر اوهى بي الحيل
ومرسال شوقك بين ظامي وجوعي

كم تقطع الذكرى على البعد من ميل
وانا اشهد انك بالمحبه قطوعي

كم ذا قطفت الورد لاجلك اكاليل
وياكم في فرقاك يزداد روعي

عابر السبيل

 

[عابر السبيل]

ترى الوعد لامن سقا الله كل وادي
وصحيت صبحك وسط صجة عصافير

وجذول طيرن بين رايح وغادي
وحطت طيور الصبح صبحك دواوير

سلام يا عفرا ن كساها سوادي
عيوني عليها م المحبه سنادير

ياريح مسكن بين صندل وكادي
ياللي عيون في عيوني تعابير

يهيض شعري مثل هيض الجرادي
وامتر الاسطار لاجله تماتير

عابر السبيل

 

[عابر السبيل]

خوت ديارك ياملاك المدينه
ولاعاد باقن م المخاليق ديار

وش حيلة اللي ساكنن في حنينه
يفطر على شعرن ويتعشى بالاشعار

حط القوافي من البلاوي سفينه
سفينة ن مابها فرد بحار

يشبه لمن بدل مع الناس دينه
يصبح بمشوارن ويمسي ب مشوار

سلام مني يالعيون الحزينه
بالله بسمه يارفيقي ب دينار

عابر السبيل

 

[عابر السبيل]

في غيبة الانوار ياشمعة الزيت
تبقي نديم اللي معا الليل سهران

تحيين ليلن غيبة الشمس لي ميت
وفي صفحة الشباك م الغيم هتان

وانا اوصفك بيت ن توالف ورا بيت
واخذ من الابيات في وصفك الوان

عابر السبيل

 

[عابر السبيل]

يامدللن ثلب الجدايل بالالوان
خلطت نور الصبح في ظلمة الليل

سبحان خلاق الحلا والف سبحان
ياكيف انا مولع بحب المجاديل

ياسايق الدلة ولعتي منك فنجان
سلام يا بايع غريب الفناجيل

عابر السبيل

 

[عابر السبيل]

عساك تذكرني اليا بارقن لاح
وكسّر ظلام الليل ساني شعاعه

وريح الندى فيها من الوبل فواح
كن الندى فيها ل قلبي وداعه

سهرتها كني مع الليل سواح
ويشري الوصل من كان يشكي القطاعه

الله يا وجهن بالشبه مثل مصباح
كم عشت واياها من الحظ ساعه

عابر السبيل

 

[عابر السبيل]

لعبت لنا تنسف من الليل تنسيف
اقبالها صبحن والادبار لك ليل

موج الشعر من فوق ردفه مراديف
يا شمعدانن يوفي الزين بالكيل

تورث بعقل اللي يشوفه خذاريف
عقب العقل يمشي بدرب المهابيل

الله يا رمشن كما صالت السيف
على بياض الخد رموشن مظاليل

عابر السبيل

 

[عابر السبيل]

يفداك من يشناك يا دقيّق العود
وعسى جميع اللوم ياحلو يفداك

لا ياخيالن تعشقه هبة النود
يغار من غصنك ياحلو لين الراك

زرعت خدك بين زهرات وورود
يفضح خنين الورد ياصاح رياك

حياك ياعنقن على الكتف ممدود
وحيا زمانك يارفيقي وحياك

عابر السبيل

 

[عابر السبيل]

يا عابد الشباك والنور نورين
عينك على حي ن تمنيت شوفه

ياماشي ن يمخر عباب الاحايين
يمشي ولا وقّف مع الوقت طوفه

عينه على حي ن تنثر به الزين
وينقش حروفن في مراهف كفوفه

كتبت انا له م التماثيل سطرين
مرسول حب ن والعطر في ظروفه

ومن زود حبه زدت انا السطر بيتين
م العاشق الي ينثر الدم جوفه

عابر السبيل

 

[عابر السبيل]

تخلّف الله ياعشير القوافيي
ماراح راح ولا يفيد التمني

لاعاد تبدى يالغلا م الخوافي
ولا تسول ساخن الدمع مني

قصة غرامن مات تحت السوافي
مثيل انسي ن تولع ب جني

خد اللجين اللي من الزين صافي
منبع هجوسن بالخوافق تعنّّّّّّّّي

ماخبر نعّال ن يشابه ل حافي
وظن الليالي ماتوافق ل ظني

بابكيك ما جادت لقلبي قوافي
وانهج طريقك بالقوافي واحني


عابر السبيل

 

[عابر السبيل]

ياكستناء الليل سدم الجدايل
وموشحن اطرافها التبر لونين

وقفت اناظر بالجدايل واخايل
سلام يا ساحر قلوب المساكين

زوجتهن يا زين وامسن حلايل
خلقت ما الافراد ياحلو زوجين

شحت على الحلوات زين المكايل
ولا انت ترجح بالحلا لك موازين

الله يا رمشن على الخد سايل
يزرع بحلو الخد عندك بساتين

ماشفت مثلك بالحلايل خصايل
تكتب وصوفك بالحلايا دواوين

عابر السبيل

 

[عابر السبيل]

مسير ما تكتبه الايام تلقاه
نقشن على وجه المواضي م الايام

ميت مواضي الحب من اللي احياه؟
يرفرف على الحاظر ترافيف الاعلام

يحفى القلم لك ياغلاتي ونبراه
ويخلد من الدكرى وساويس الاقلام

ونرجع على الماضي م الشفاقه ونقراه
ثم نتلذذ من مواضيه بالااام

الله يا دانن منيتي بس مشراه
لو هو تضاغيثن تجيبه لي احلام

عابر السبيل

 

[عابر السبيل]

باقة من الزنبق على لون عينه
وظلام ليلن جلل الصبح تجليل

تغرق بعينه يارفيقي مدينه
وتصهل صهيلن كنها شارد الخيل

كم مات في عينه من غموضه سفينه
وياكم يبخس من يحبه مكاييل

كنه صبغ له شفته من وتينه
وياكم يهلك بين المراميش من ميل

عابر السبيل

 

[عابر السبيل]

ياواهي الانفاس يا هالك الناي
تحيا مع الانفاس مرات واتموت

تشبه لموتي حين واحيان محيياي
متجمع الاهات في نبرة الصوت

تمشي حثيث ن وتبعك مشية خطاي
مسكننك لحن وبعض الاحيان تابوت

تبكي على قطرات دمعن معا ماي
وشملن تجمع واصبح اليوم مشتوت

عابر السبيل

 

[عابر السبيل]

وش سر هاك البوح يا نبع الاحساس
بالله قل لي وين منجم قوافيك؟؟

ياشمعدان الحس يا شبه نبراس
من ياخذ الاسطار مره ويعطيك

كنك تجمع صافي الحس في كاس
واسيادها ياصاحبي لك مماليك

عابر السبيل

 

[عابر السبيل]

هي عادة الايام تقبل وتقفي
وزولن عرفته فعل الايام تخفيه

كم ينقطع فيها م التلاهيف شفي
عقب الوصل يبدي زمانك مجافيه

الله ياسر ن بالضمير متخفي
ابديه حزات م الاشواق واخفيه

اللي حصل ياوقت والله يكفي
شي ن بقلبي ياعنا الوقت يكفيه

نارنك بجوفي ولا لقينا مطفي
ياليت شي ن قد شعمته تطفيه

عابر السبيل



عابر السبيل

 

[عابر السبيل]

انا احب بعض الناس واللهف لطرياه
وتهل عينن م الاسى في طواريه

قبل امس وسط السوق تقابلت انا واياه
وتجددت بالخد ساخن جواريه

ياحظ ابو من صافحه ثم حياه
وليل الجدايل ليتني من سواريه

ياليتها عمرن مع الحب واحياه
مير انها شي ن تكودك مشاريه

 

[عابر السبيل]

من لا يخاوي مع ربوع المدينه
في ذمتي ما ذاق طعم المخاواه

كنه فقد م العمر غالي سنينه
والا عيونه م الجمايل مداواه

يامل قلبن ساكنن في حنينه
يموت به شوقن والصبابات محياه

بين الجوانح ضارمن كل حينه
صويب رمشن جاه من ثم ن اغواه

اليا ظواه الليل بيّح كنينه
يشبه لذيبن لجلج الجال بعواه

عابر السبيل

 

[عابر السبيل]

يستر عليك الله يا لابس الشال
متوشحن ليلن وتحته صباحه

بالليل يدفن صارخ الصبح والمال
يسلم جماله ثم يسلم وشاحه

وش هو تركته للمجانين من حال
الكل يغسل بالمدامع جراحه

كم يعشقه من عابر السوق رجال
ان ما يبوح الشوق فالشوق باحه

وعنقن تجلي بالفضيحه ل سلسال
يشبه لشي ن يفضحه بالصراحه

عابر السبيل

 

[عابر السبيل]

كم يوحشك م الناس حي ن وترجيه
ولا انته على باله ولاانتاب همه

وكم واحدن يرجي من الخلق يحييه
هو يمهم والناس ماهم ب يمه

ياشبه مركب ضاع وجهة شواطيه
ياهو شتاتن مالقى من يلمه

يافاقد الاشياء ما شن بتعطيه
سم الذي ترجيه م الحب سمه

عابر السبيل