انفاس في سطور

[عابر السبيل]

أكثرت لومي وانتهى فيك يومي
يالله عساها يانجل العين خيرة

مليت أصارع في غرامك همومي
ياكم بنيته بالتواعيس ديرة

ودي أبيع الهم يامن يسومي
واهجر مكانك وانتجع صوب ديرة

عابر السبيل

 

[عابر السبيل]

يعل نسمات الهبايب تصحيه
وتطرق لها بابن له ايام مصكوك

غالي زماني لأجل عينه باضحيه
وامشي طريقه لو حشاطن معه شوك

عابر السبيل

 

[عابر السبيل]

فيي وثير الفرش نامي يالجميله
ونغمة خرير الماء تجرك للاحلام

مشكاك لله يالعيون الثميله
نامي وانا اغني على احلامك انغام

فراشك نعيمن يشبهه لك خميله
عيشي حقيقه حف بك مني اوهام

وانا الذي عينه عشانك كليله
ياخذ من ابياته خوالن مع اعمام

عظامه على فرقاك عجزت تشيله
ضحية الاهمام منكم والاسقام

قل لي حياتي يالغلا ويش هي له؟؟
وشغلك معي لا هوب كفرن ولا اسلام

سرامد الذكرى بفقدك هزيله
مثيل جرمن ماشي يمشي بلا عظام

عابر السبيل

 

[عابر السبيل]

في صفحة الانفاس يا عابر احساس
ماعاد تلقى من يرد السلامي

تلقى السوافي جاثياتن على الساس
مدري اش علام الناس مدري اش علامي

كم كنت انا القى م المراميش نعّاس
اسمع كلامه ثم يسمع كلامي

راحت معا هجسن تقفاه وسواس
مادري جنوب الدرب او درب شامي

كم اللتفت لك في مزاحم الناس
مثيل طيرن ما يندرى وين حامي

لا واعلى من قبل ما توقف انفاس
ياصل لسمعه من بعيدن كلامي

عابر السبيل

 

[عابر السبيل]

لاتشتكي همك على خالي البال
ولا تكتب الفرحه بسطر الكااابه

من سنة الايام حالن على حال
وعلى القلم في حين حرف الكتابه

كم قصة ن تكتب ضربن م الامثال
وكم عاشمن يعشم شرابه سرابه

عابر السبيل

 

[عابر السبيل]

في محجر اعيانه من الحزن دمعه
تنوي الخروج وسمتها عيا عليها

في لغزن هالاعيان مليون رمعه
ودي من انفاسي عبرتك واشتريها

همسن تجلى ما حظينا ب سمعه
تطمس حزونه بسمة ن تعتريها

دمعه وحيا وبسمات حاصل لجمعه
وانا كما القصه وهو مفتريها

ظلام حزنن والتبسام شمعه
وقد لي زمانن بسمته محتريها

عابر السبيل

 

[عابر السبيل]

يعيي الله يالعيون النواجيل
لاباس ياحلوات الاعيان لا باس

كم في الدهر من قاسيات الافاعيل
وكم ذا شربنا م النوى ساخن الكاس

يا اجمل خيالن عندنا يسسحر الليل
ياكم تشعل في ضميري م الاهجاس

من عرفتك وانت سحر البهاليل
ياكم مليته م الاحسايس من كاس

شوفي لها يشعل في الليالي قناديل
ياشبه صبحن عطر الجو بانفاس

عابر السبيل

 

[عابر السبيل]

انشدك عن شي ن لا قلبته غدى كرش
فعلن ذميمن ما يسويه مسلم

مافيه خيرن لو تقرشه قرش
فعلن من الافعال بالحيل مظلم

عابر السبيل

 

[عابر السبيل]

ياسايق الفنجال بالله عده
مده على اللي بسمته تجهر النور

الزين يظهر لا تواجد ل ضده
العين نجلا والنحر منه مزبور

ياهو جمالن قد تجاوز ل حده
تقول عيني صوبها شاهدة زور

عابر السبيل

 

[عابر السبيل]

قام يتوارى بين الابعاد ز ولك
وصرته خيالن بين الاطباق شفاف

وكم يضمحل الشوف ياحلو حولك
ولا عاد ياحلو اللما اليوم تنشاف

ماباقي ن الا من حتاحيت قولك
ياهي حياة ن عقبكم حيل تنعاف

كني وريثن جاثين في طلولك
بس اتسمع هاتفن منك هتاف

عابر السبيل

 

[عابر السبيل]

لا وا على من موقق ن تلة الجيب
وجّه شمال ودربنا ضاربينه

نمشى على دربن ولا نعلم الغيب
ومن بيننا علمن وحن خابرينه

من دون تيما ء ايسر الدرب تغريب
تشمخ لك جبال الشفا قاصدينه

تلقى بلها شرد الجوازي ملاعيب
وسط الدعث والا علاوي الدفينه

مع بلجة الانوار تحلى التصاويب
من بندقن تضرب على شف عينه

ياكم وعلن راح باعلى الشخانيب
جبناه من راس الجبل شايلينه

من عين قناصن يحق التعاطيب
خلى هزيل الصيد واعطب سمينه

بديارهم تلقى لذيذ التراحيب
والعلم طيب ولغلا محتسينه

وسمح الوجيه اللي تربت على طيب
تلقى رجالن في تخووم المدينه

حب اليمن هو كيفهم م المشارب
ونقل الحكايا بينهم عايفينه

عابر السبيل

 

[عابر السبيل]

ليل الشقا ياما على الدرب عشاق
ياصل بعضهم والبعض راح ثاوي

ياليل ياللي روّق الليل برواق
شهودك نجمن يالجمال السماوي

طمست في ثوبك جميلات الافاق
وياكم بكي حلو الاشفاث غاوي

تشبه جديلن ثلثلوا فوق الاعناق
امواج ليلن قلب فيها الغناوي

عابر السبيل

 

[عابر السبيل]

ياذيب ياللي من على الرجم عاوي
ماوحيت بالمرقاب ذيبن يعاوك

هو انت طربانن تزف الغناوي
والا رجاوي ن على الله يعشيك

ولا كواك من المواليف كاوي
واللي دهاني يا عكف الناب داهيك

كل ن يجي له في حياته بلاوي
لو هي تكلم سود الايام تنبيك

ماكل من تهوى يجي لك مهاوي
ولا كل من تبكي على البعد يبكيك

ولا كل من صافيت جا لك صفاوي
ولا كل من تغلى على الحب يغليك

عابر السبيل

 

[عابر السبيل]

لا واحسايف ياليالي المضيات
وعمرن تولى ياغلا العين وينه؟؟

دورت انا له في الفجوج الخليات
الرجل حفيت والمساعي غبينه

مابين روحاتي للمضنه وجيات
والشاعر اللي تهدر الدمع عينه

ضاعت مع الايام ضحكه وبسمات
وياكم يبوحك ب الغلس من كنينه

عابر السبيل

 

[عابر السبيل]

سلا م يا محراب الاشواق والبوح
يا شاهدن بين البكا والاغاني

مشيت منها كاسر القلب مجروح
واللي طواهم بالمحبه بلاني

لا باس يا شي ن على الخد مسفوح
كنه يركب في نظيره سواني

وانا على دربه لي ازمان مجروح
بس اتكفف عيشتي م الاماني

كنه مصير ن وانكتب لي على لوح
امشي وكني ثابت في مكاني

عابر السبيل

 

[عابر السبيل]

سبحان من يلحق يالعيون العجيبه
تسكت ويحكي عن سود المظاليل

امسيت منها بين العجب والغريبه
ويضوي علي الشوق منها بهالليل

منها حوالي بين الممات وعطيبه
واشرب من الاشواق منها فناجيل

ياصاحبي والراس لوّح ب شيبه
وانا على شوفك كثير المغاليل

ياشبه مهرى لوحت في سبيبه
تلوى وتجمع راسها لي مع الذيل

عابرالسبيل

 

[عابر السبيل]

ياليت هاك اليوم عدى على خير
ولا صار ياحلو ات الاعيان ماصار

عقبه مشيت امر عنده تشاقير
امرها يمنى تشابه والايسار

كم يتعب الاقدام طول المشاوير
ياكم ذبحنا م البلاوى ب مشوار

اي والله اني ادفع للمحبه فواتير
والقلب منداشن والعقل منك محتار

امر بيته والحزن لاجله مسايير
ولا قاد فودن روحة ن له ومسيار

اكتب على شانه في بيوتي دنانير
وكم ذا دفعنا له بالابيات دينار

عابر السبيل

 

[عابر السبيل]

اتلى الخبر به والليالي مريفه
وياكل زمانك من طريات الارياف

واليوم يا راعي الثمان الرهيفه
من حولهن م التوت حلوات الاشفاف

يامجردن م العين سهمه وسيفه
ياعونة الله يا صليتات الاسياف

اليوم مابه ريح توحي حفيفه
ولا عاد به زولن على الباب ينشاف

ولا مع الاشفاق تلمح ل طيفه
طيفن يلهي القلب عن كل الاطياف

يسباك منها بسمة لك خفيفه
تخلي فوادك بين الاضلاع مرجاف

رقيق كف ن والانامل ظريفه
من رقها يعبر بها النور خفخاف

عابر السبيل

 

[عابر السبيل]

ياصاحبي والناس امست على خير
والليل ليّل واضفى على القاع بجلال

وماعاد تسمع بالشجر ناغم الطير
وجبال ليلى ترتدي اسود الشال

ثم ابتدى ياحلو عد الدنانير
وكم ذا بضافي الليل تحلى لي امثال

مسيك بالخيرات حلو التعابير
حطيت في ليلي معاميل ودلال

قل لي وش اخبار الغلا والفناتير
وموجن يعاف القاع ويرطم على جبال

من شن بقلبي قلت اسير مسايير
واخذ معك في سهرةالقاف فنجال

ومسيرها تصبح علومن واساطير
وقصة غرامن قالها كل قوّال

عابر السبيل

 

[عابر السبيل]

حروف البنفسج من على خد ورده
والزين للورده ولا يذكر اللون

وكم ذا يزين اللون لا جاه ضده
وكم شاعرن ف لون الازهار مفتون

قمت اتفكر في لوحة الخد مده
تحيا حروفي منك مر ويموتون

بنت السحابه يفضح الجو نده
يا طلسمن فيه التعاجيب مدفون

كم كاتمن للسر ينباح سده
مع لوحة الاعيان ينباح مكنون

منهو ابو هالزين من كان جده
لا يا بعد من يدعج الكحل بعيون

عابر السبيل