انفاس في سطور

[عابر السبيل]

من خارج اسرابه تغنى بك الطير
يشبه ل زرياب ن بسبك القصيده

ياصاحب الاعذار ما من تعاذير
عقب البطا جابك ليالن جديديه

يا مبذر الاشجان بالوج تبذير
يلين من حلوو القوافي حديده

مريت ودي بس امسيك بالخير
وعيدك مبارك جعل ربي يعيده

وش حال حالك ياعروس الفناتير
ياللي عيونه بالبلايا بريده

عابر السبيل

 

[عابر السبيل]

شافوا هلال العيد في مغرب اليوم
وكم من هنوفن تخضب الكف حنا

ومن الفرح بالقلب لي الف معلوم
ياشبه غصنن في ليانه تثنا

تشبه خيالن وسط الاشفاق مرسوم
رقيق شكلن بين نارن وجنا

انفاسها مابين مسكن ويشموم
وثليل شعرن جال منا ومنا

عابر السبيل

 

[عابر السبيل]

جيت اتفقد م الوجيه الجميله
شكلي فقدتك ياحبيت القوافي

جفو الليالي مابها فرد حيله
من فعلها ياكم تبين الخوافي

كم كايلن م الوقت يوذيك كيله
وكم طفيها طامعن فيها يبيها عوافي

عابر السبيل

 

[عابر السبيل]

يامدغدغ الاوتار يا ساحر الليل
سجنتني يا شيخ وسط القصايد

عابر السبيل

 

[عابر السبيل]

امسك زمام الوقت في ساع الافراح
ماكل سعدن يجي لك يعودي

سلام يارمشن لذيذن وذباح
تضفي عليها من ظلامه جعودي

بالخير يابرقن من شفاياك لماح
يشبه ل برقن في ليالي السعودي

ماشفت قلبن م الاضاليع قد طاح
قلبن تمنى منك يومن تجودي

عابر السبيل

 

[عابر السبيل]

يمكن يقوم الحظ يومن م الايام
واخطها ذكرى على جدار عمري

مسيك بالخيرات عينن وسلهام
حطيت عش ن لك بقلبي وقمري

ياغامض الالوان يا سيد الابهام
اخجلت بيضن م الصبايا وسمري

كم تعشقك مني حروفي والاقلام
ياملهبن بالروح ناري وجمري

كم اتسول حال مثلك م الانسام
واحتار في دنياك ياحلو امري

عابر السبيل

 

[عابر السبيل]

ضاعت خطى هالليل من رجل ماشيه
كنك تجوب الريح في ازرق الجو

وخيم حزون القلب باوسط حواشيه
وماتت عسى ياصاحب القلب واللو

كن الاسى في خايب الحظ راشيه
وحي الحظوظ اللي م الايام ماتو

عابر السبيل

 

[عابر السبيل]

ليل المساري مايعرف النهايات
ولا هوب سطرن ينتهي عند نقطه

ياكم ليلن يدخلك في المتاهات
وكم باغي المكسب لقى فيه ورطه

الله يا سطرن كتبته وكلمات
وكم للقلم ياراعي الحرف سقطه

وقفت اناجي م البحر فوج موجات
وياكم يموت المنتظر حول شطه

الله يا دنيا ن بها حطن وشيلات
وكم تاقف الانفاس شيلن وحطه

عابر السبيل

 

[عابر السبيل]

يبقى العطر احيان وسط القزازه
لوكان عنق الزجاجه م لوقت ضايع

جميل ذكرن لو كان اهو لك جنازه
جميل يشبه من لذيذ الصنايع

عابر السبيل

 

[عابر السبيل]

ضي البدر يظهر علومن خفيات
وتحظر نجوم الليل حفل المناجاه

ياكم يحيا لك م الاشواق مامات
اجداث حبن زاره الشوق واحياه

سلام ياتاج البنات الجميلات
اللي يجمّع م الانوار لا اسماه

ياكم فيها انظم القاف وابيات
وياكم بيتن اكتبه ثم ن امحاه

عابرالسبيل

 

[عابر السبيل]

بالليل لي عينن ترقّب ل نجمه
اجلس وكني في دجى الليل مسبار

تمحى الليالي م التواعيس رسمه
بالمثل كني له مع الوقت سنمار

ورثت منها عدة حروف مع اسمه
وكم في الليالي م التذاكير تعبار

وارسل سلامي له معا كل نسمه
واشبه لدارن ما سكن فيه ديّار

كانت سواليف الهوى فيه دسمه
تشبه للحن ن تبكي به اوتار

عابر السبيل

 

[عابر السبيل]

كم يمكنك من بعض وقتك اماني
وبعض الاماني يالغلا مستحيلات

ويصير في قلبك للصبابه اواني
تضحك وتبقيها في ضميرك خفيات

اهدي سلامي لضاحكن قد بكاني
اللي رسم فوق الشفايف بدمعات

انا اشهد انه ساعته قد كواني
ب نياط قلبي له جروحن وعلامات

ادمنت ذكره بين كل الغواني
بالوصف كني له معزي سلامات

عابر السبيل

 

[عابر السبيل]

ياتالي الالحان يا انفاس هالليل
بلغ سلامي للغوالي وثنّه

قل له ترا شبيت شمع وقناديل
واطلقت للابيات لاجلك اعنه

عابر السبيل

 

[الجوري]

صباحك مثل عطر الورد لا هبّ النسيم
ومثل ضحكة طفل فـ عيون أمه تحتريه

صباحك كرنفال مزخرف بلونٍ سليم
يغني للحياة ويرسم الفرحة عليه

على شرفات الشمس يرقص ضيّه الحميم
وينثر للزمن صوتٍ يعانق ماضيه

صباحك طيبٍ يسكن ضلوع المستهيم
يرد الروح لقلبٍ تعب من تاليه

 

[عابر السبيل]

صباحك مثل عطر الورد لا هبّ النسيم
ومثل ضحكة طفل فـ عيون أمه تحتريه

صباحك كرنفال مزخرف بلونٍ سليم
يغني للحياة ويرسم الفرحة عليه

على شرفات الشمس يرقص ضيّه الحميم
وينثر للزمن صوتٍ يعانق ماضيه

صباحك طيبٍ يسكن ضلوع المستهيم
يرد الروح لقلبٍ تعب من تاليه

صباحك الخيرات عذب الترانيم
تشبه لوردن في صباحي جنيته

او انت عطرن تجيبه تناسيم
مادري عطاك العطر والا عطيته

من مبعد الديرة هديتك ب تسليم
وما دري نواك الشوق والا نويته

ياجمل حروفن زاهيات المعاليم
مرسول زينن يسعدك لا قريته

عابر السبيل

 

[عابر السبيل]

حسبي على اللي مرني في ضحى اليوم
عدى ولا سلم ولا فيه حيله

ياصاحبي قلبي له اعوام مكلوم
وكم ينعدم في حب مثلك وسيله

ياشينها لا صرب بالشوق محكوم
وعقلك يضيع م الصبابه دليله

عابر السبيل

 

[عابر السبيل]

خطرت انا الاسطار من عقب غيبه
ودي اسلم ثم امسيك بالخير

سلام يا من كات يومن حبيبه
واليوم انا واياه رهن المقادير

والراس يا صاحي غدى فيه شيبه
ومن السهر عيني تحتها دواوير

مثلي غريبن وسط دارن غريبه
تجفاه دار ويرتحل له مشاوير

سلام يا ظرفن سكن فيه طيبه
كم تاخذ الخافق لاغشى الجو تعطير

تخفي سطورن خافياتن عجيبه
اوهيتني يامنبع به م الاحساس تسطير

عابر السبيل

 

[عابر السبيل]

الله ياحرفن ب عيني رمادي
على ضفافه ينبت الورد وازهور

غنى بها من زاعج الطير شادي
وقلب الذي يهواه بالغصن عصفور

يا انت تشعف بالقوافي فوادي
وياانت تشعم بين الاسطار لك نور

يجتال في عينينه سحر السوادي
تقول ليلن وانقتل فيه فنور

حول من الاشواق ياحلو وادي
قام ايتدفق بين الاكام وصخور

عابر السبيل

 

[عابر السبيل]

انفاس عازف في حشا واهي الناي
يحيا المكان ويهجره صامت الموت

كم اتعجب بين موتك ومحياي
ياليتني طيفن بين الالجان والنووت

عابر السبيل

 

[عابر السبيل]

يامل قلبن سود الايام تغشاه
يفطر عليه الوقت مر ويصومي

امضى الليالي في فيافيك ممشاه
يشبه لطيرن في المتاهه يحومي

همه كما غيمن اظلم الغرب منشاه
يظهر علوم ويحتفي به اعلومي

حبله صروم راح مع هفة ارشاه
عليه دمعي سايلن في كمومي

او مثل من يمشي شايلن احشاه
في ديرة ن ما قد سكنها رحومي

كتوم سر ن تالي الوقت افشاه
عليك يا وقت القسا منه لومي

عابر السبيل