انفاس في سطور

[عابر السبيل]

نام السهر ب عيون منهو يهاويك
واللي ب طاري النوم يا صاحبي نام

كنك على نجوم السما لي واناجيك
واعتادت الاعيان نورك والاظلام

كم ارتبع لك م الشفاقه واناديك
مع طلعة الانوار والطير حوام

عسى الذي يشناك ياحلو يفديك
ويفداك ما تكتب يديني بالاقلام

عابر السبيل

 

[عابر السبيل]

يامشرق اللمحات يا بسمة النور
وخصلات شعرن يلثمن الشفايا

من شافها يمشي مع الناس مسحور
نبع السعاده في جوار المنايا

اضرب بكفي له على مشة الزور
وياكم بحبه يخلفن النوايا

يشارك بلمحاته غريبن من الحور
ياكم سوى في فوادي سوايا

عابر السبيل

 

[عابر السبيل]

مالي لزومن مير زايد تعني
تمشي بي اقدامي على شف الاشجان

وقلبي كما قوسن يلاعب ل شني
بالليل بكتب بك شجيات الالحان

كني هبيلن في المهامه يغني
وقالوا الجنون الوان ياصاح وافنان

او مثل ذيبن قد تواجه وجني
لاهي ن يغني ثم تعشاه سرحان

عابر السبيل

 

[عابر السبيل]

ياسرمدي الهرج يا طول طولك
تشبه لسطرن مالقى اليوم نقطه

قامت تجاول هالسواليف حولك
وكم للقلم ياقاري النص سقطه

عابر السبيل

 

[عابر السبيل]

ياساكن النظرات وش سر السكون
كنك رضيته بالمفارق والرحيل

توي عرفتك ياالغلا منهو تكون
فاات الاوان وما بقى منها ظويل

يافديت الرمش يا ظل العيون
ظلن على خد الحلى ياهو طويل

لك في فوادي صارخاتن من شجون
يجي لها في الليل ياخلي عويل

يارقيق الشف يا نبع الفتون
كم كنت ممكن ثم صرته مستحيل

ياسارق الالوان وش بقيت لون
خليتها ياصاحبي حط ن وشيل

إن جت بك الايام مع عجف السنون
اقبل جميل الوقت لو هوه قليل

عابر السبيل

 

[عابر السبيل]

بالله وقف في طريقك دقيقه
ودي بكلمة راس بينك وبيني

ياساكنن بين الوهم والحقيقه
ياكم تشقى م المخاليق عيني

كم انتظر له ساهمن في طريقه
ياكم اظنك تحفة ن في سنيني

كم من عرى بالحب كانت وثيقه
كلها الزمن وامست سوالف حنيني

عابر السبيل

 

[عابر السبيل]

في ذمتك ما جا على البال طاري
ولا جا لنا طاري بعرض السواليف

كم يمتطي لك هايم النجم ساري
والا كما طيرن يجي له ترافيف

الله ياقلبن من الصبر عاري
غدى فريسه يالغلا للتحاسيف

بين الروابع بايعن حين شاري
ليت الليالي تجي لي على كيف

عابر السبيل

 

[عابر السبيل]

باعطاف هالورده لخدك رسايل
ياجامعن م الورد لخدودك اللون

سلام يارمشن على العين مايل
في لحظها سيفن من الموت مسنون

فيها جوابن في غموضن لسايل
يحيا لها حي ن وناسن يموتون

يقطعك يا وقتن قليل الجمايل
مسكين من يطلب من امثالك العون

عابر السبيل

 

[عابر السبيل]

سلام مني يا ملاك الشواطي
اسال خيالك وين الايام ودتك؟؟

ثم اختفت من شط حبك مواطي
ياصاحبي ليت المقادير ردتك

في ضامري لك جروحن سواطي
ياهل ترى مات ت بالايام مدتك

يامحرقن م القلب واله نياطي
كن الليالي عن ملاقاك عدتك

لازلت اعاني من سواطي سياطي
ياللي راخاءك يششه لشدتك

عابر السبيل

 

[عابر السبيل]

يمكن يجي يومن و يلحقك ماضيك
وتجهش على شي ن وودك ب شوفه

ياميت الايام من عاد يحييك؟؟؟
وكم تحرق الخاطر شديد الحسوفه

ودك تدارك بس ماعاد يمديك
وتصبح كما اللي خالياتن كفوفه

يرحم ابوك وكل منهو غواليك
يقطعك ياوقتن كلتني ظروفه

امنول اقف فيي طريقك واحييك
واكتبك بيتن شارقاتن احروفه

واليوم قاصي الوقت يشبه لدانيك
وياهو زمانن ما يجي به مروفه

صارت كما عج ن ويدفن مواطيك
وروّح زمانن على الله خلوفه

عابر السبيل

 

[عابر السبيل]

بنت السحابه من على الغيم قدك؟
وعلى اديم القاع يا بنت المطر

بروق السما تخطب لزينك وودك
يغنيك سطرن ويلهى بك سطر

من وين هالالوان في صفح خدك
مرت الايام ما نلحق بك وطر

تمشي صموتن ماعرفنا ل سدك
لك نصيب الزين وفي صمتك شطر

تخلط مزوحك في تضاريس جدك
والى خطرتي العطر من عندي خطر

عابر السبيل

 

[عابر السبيل]

يابوفهد وان حرك الباب وانهج
ينهج قلبي عشرة الاف هجه

متى على الله عسر الايام تفرج
ونلقى مع اللي تهتوي النفس سجه

سلام ياعين الغزيل اليا سج
ياخشف ريمن عاودت عقب هجه

 

[عابر السبيل]

واقف واخايل لك على صاير الباب
ارقب لوجه ن يرهج الليل نوره

الله يا شي ن جرى بين الاحباب
يوم الحزن ياخذ مع الحب صوره

واليوم انا واياه نشبه للاغراب
وحبن تولى يالغلا ويش دوره ؟

قالوا ترى الاغراب بالحب انساب
وياكم يجي للحب بالقلب ثوره

عابر السبيل

 

[عابر السبيل]

باقي بقايا عطر باخر رساله
وقبله على ظرفن حفظها لي الروج

وطلاسمن مابين سينن وداله
وحظ ن تلاطم في تضاريسه الموج

واليوم ماتبغى م حواله ب حاله
شين الليالي ل الليالي غدت عوج

عابر السبيل

 

[عابر السبيل]

ياملاعب الاوتار يا معذب الريش
شريتني ثم بعتني وسط ليله

حظي معك يا رفيقي تناويش
ولا في البخت يا لذة الشف حيله

كريم يا برقن غدى له تراهيش
وعينن تراعي لك بليلك كليله

انته غديته لي كما لقمة العيش
يجلب عليها الشح رجله وخيله

عليك منها نادرن من العراميش
ومدة زمانك يارفيقي بخيله

عابر السبيل

 

[عابر السبيل]

يامهذّب الابنان يادقيّق العود
ياجمل خيالن تعشقه هبة الريح

غديت انا واياك شاهد ومشهود
يالغالي اللي به من الحور تلميح

بالوصف كنا بين طارد ومطرود
والعمر يمضي بين جد وتمازيح

ضافي جديلن فوق الامتان مرجود
من زود زينه راح قلبي تجاريح

اتليه انا ما يتلي الوعد موعود
اقوم في دربه من الوهن واطيح

عابر السبيل

 

[عابر السبيل]

بدا يشيب الليل يازينة الليل
واللي بطاري النوم ياحلو قد نام

ولا عاد به زيتن بجوف القناديل
وباقي قليلن من تضاغيث الاحلام

عابر السبيل

 

[عابر السبيل]

قل ياخفوق الطير للي نحبه سلام
سلامن احلى من عطوف الاباكير

مايسلم المخلوق من سوط الملام
وياكم فيهم حار مني تفاكير

واخترت احيي طلعته باحلى كلام
مسيك بالخيرات ياطلعة الخير

سلام ياغصنن تمرجح به حمام
كنه يوزع من على الرندي دنانير

من حوالي العنق طوقن مع وسام
وانا اللي ادفع من القوافي فواتير

عابر السبيل

 

[عابر السبيل]

ليتك عرفت بخاطرن حبك ويغليك
من شان عينك يرخصن الغوالي

دارت نجوم الليل مثل المماليك
حولك تشابه م الحفاوة موالي

هو انت تذكر واحدن كان يسقيك
ودي جوابن من غوامض سوالي

ياكم افز لسمي ن من اساميك
لوو انت عني م المخاليق سالي

ياكم نحت حروف تحكي اساميك
مثل الهبيل اللي من العقل خالي

تشطن فوادي طاري ن من طوريك
ياشيت والله مادريته ب حالي

عابر السبيل

 

[عابر السبيل]

لجت عصافيرن على جدار هالبيت
وعيني عليهن تلحق الشوف بالشوف

الله ياحي ن يغني على ميت
كن النظر يازاعج اللحن مكفوف

مادري حظيظ بشوفتك يوم مريت
يوم تجلى كن النجم منقوف

هل العباير ذايع الذكر والصيت
وظل الجدار اللي به الريح نفنوف

تعبت تبحث لك عن البيت ياسبيت
ولا في زمانك للمواليف معروف

عابر السبيل